中國航母遼寧艦

2017年7月8日星期六有雷曝 (氣溫27度 - 和緩偏南風)，我國第一首航空母艦【遼寧號】 於昨天早上到訪香港五天，今明兩天更會開放給公眾登艦參觀，不過名額只有二千位，並於星期初已實名登記完畢，既然登唔到艦，唯有自己諗諗計搵個靚位影吓佢全相，就算天文台預報今天有雷雨，我都一於話之你，一早7:00am未夠已經去到我心中的理想位置，影完高抄，再過海影埋遠遠遠攝，跟住就緊係..........開餐啦 !

(1) 遼寧號。

2016 日偏蝕

2016年3月9日星期三有霧 (氣溫18度 - 清勁東風)，上星期得知今日會有天文現象 "日食 / 日蝕"，不過位處香港就只能看得見日偏食，但今早醒來望出窗下卻霧大雲厚，直到8:00am仍然看不見太陽伯伯，一心以為落空的心情卻在8:30am嚟個大轉變.................雖然個太陽時有時冇，但捕咗成粒鐘都總算有小小收穫。

(1) 早上8:30am，日偏食已開始咗半個鐘有多。

最強vs最強

2015年7月16日星期四 (天晴 - 氣溫33度)，今日我約咗一班喺1984年由宇宙嚟到地球嘅生物，佢哋係好定係壞，相信大家都已經心裡有數，而集齊七粒龍珠係未可以見到神龍，今晚我就要問清楚.............

(1) 龍珠...........最強vs最強。

貓頭鷹時間

2015年5月31日1星期日 (天晴 - 氣溫33度)，今日入咗錦田水尾村，去睇吓自己有冇緣同最近熱爆雀鳥攝影界嘅 "小小貓頭鷹 - 鵂鶹" 影返張私人珍藏，起初去到傳說中嘅錦田樹屋時，我哋仲向樹上左望望右望望，結果當然係乜都望唔到，不過正當以為落空時，剛巧遇到一位拍攝發燒友，一問之下...........佢詳細地指點我哋迷津，於是我哋馬上向住那棵大樹走過去，起初來到樹底時，我們還是看不到找不到，不過多口的我又與另一位師姐答傘，經她一點，我哋終於好辛苦的在樹頂的樹枝上發現了小小貓頭鷹。

(1) 一起步冇耐就見到蜥蝪仔爬牆。

佔中不佔中

2015年5月16日星期六 (天陰有雨 - 氣溫30度)，今日特意走去金鐘看看去年被一眾自由土匪佔領的地方，一班政掍利用自由民主的借口把歪理變成理想，雖然事隔半年，仍有小l數人士霸佔潻美道的行人路用作露宿之地，但大部份營幕都是空空的，有啲地方更傳來陣陣嗅味，變成一處三不管地帶，路政處不理，食環處不理 ，警察亦不理。

(1) 黑白扭曲，事非不分，口說自由民主，行為卻霸道無賴。

真係大富翁

2015年4月17日星期五 (天晴 - 氣溫29度)，今日收工去咗青衣城搵一個由細玩到大嘅............."大富翁"。

(1) 我細細個已同依個 "大富翁" 一齊玩。

港島西遊記

2015年2月23日星期一 (氣溫18度 - 天陰有霧)，今日係羊年大年初五，正當大多數人都要開工大吉嘅時候，我同Sonia就襯人小小...............坐剛剛才開通的港島西地鐵去堅尼地城逛吓街，睇吓港島西的變化。

(1) 地鐵先係香港嘅龍脈，因為去到邊啲樓價同租金就貴到邊。

初三賞花賞食賞鄉村

2015年2月21日星期六 (天陰 - 氣溫20度)，今日係大年初三赤口，我決定唔去拜年又唔去拜神，其實今日最著數就係坐地鐵，因為新春優惠只需半價，所以就約埋幾位好友坐西鐵入錦田行吓鄉村.......食吓嘢.......賞吓花。

(1) 年初三嘅早餐果然唔同啲，有 "財神鴨" 一齊食早點。

澳門又有冰食

2015年1月25日星期日 (天陰 - 氣溫18度)，今日休山過澳門睇冰雕，順道可以行吓街食吓嘢，對上一次過澳門睇冰雕已經係2012年8月25日: 澳門有蝶冰食，不過今次冰雕嘅展覽同以往好唔同，主題係大家都好熟悉嘅卡通人物，真係好靚，再加上坐船又有優惠，試問又點可以唔過去走一轉，睇吓冰雕食吓嘢呢 !

(1) 今日嘅 "冰之歷奇" 行程就由依套船票開始...............

被佔中的尾七

2014年11月15日星期六天晴 (氣溫18度)，今日已經係香港被佔領中環 (佔中) 運動的第四十九天，一個多月的佔領事件已影響香港多方面，社會亦已被嚴重撕裂分化，就連法庭頒發的禁制令亦被一班支持佔領人士奀曲得理直氣壯的不遵守是理所當然的，在他們口中的民主自由就是犧牲其他人的民主自由而換取，悍衛自己表達權的同時又不尊重其他人的表達權。一班自認受過高等教育的大學生在畢業典禮上大聲叫囂及高舉黃傘，他們有尊重當時的場合嗎 ? 這班粗製濫造，質素愈來愈低的大學生，真的不敢恭維。

在佔領運動 / 雨傘運動的事件上，我看到的所謂公民抗命，他們只是為擴大自己的勢力採用各種手段，霸佔路面，盡情的辱羞他人，捩橫折曲強詞奪理，破壞公物，強搶私人及政府財物，手法就有如山賊強盜一樣，因為..............只要你以公民抗命為理據，就可以想點就點，為所欲為，有法亦可不依亦可不從。

或許我心裡對佔領運動的手法有太多問題，太多不滿，但我亦只會選擇和平理性的方式去表達，去包容他們的不同聲音，因為我相信對立是解決不到問題的，真心希望今次佔領運動可以盡快和平地解決，社會亦得以安寧。

第一站 : 香港金鐘

(1) 清晨6:30am的金鐘佔領區域。

被佔中的頭七

2014年10月4日星期六天晴 (氣溫30度)，今日已經係香港被佔領中環 (佔中) 運動的第七天，整星期所看到的聽到的佔中與反佔中資訊真係多到數不出，我需支持要有民主自由的同時亦反對暴力政治，一向對政治都不愛表態的我，真的有很多問題...............

  1) 爭取自由就可以凌駕法律之上嗎?

  2) 非法集會，坐在馬路已經屬違法，你還可以大聲地說懂得什麼叫黑白是非嗎?

  3) 舉高雙手就當自己是和平示威，就可以為所慾為，你們衝擊警方設置的界線還說他們防守是不對，那麼他人拆除你的路障時，為什麼你又會阻止呢?

  4) 你們設置路障的物資是你自己帶來的嗎?

  5) 阻街瞓馬路，你只對受影響的人說一句..........(為自由就要犧牲，真的對不起)，那麼被迫犧牲的人就沒有選擇的自由嗎?

  6) 人們設下框架就不可以，你設下框架才可以有商量餘地，這到底是民主或是獨裁 ?

  7) 七十萬人示威支持真普選而並不是佔中..........一百五十萬人反佔中的簽名，到底那些才是民意 ?

  8) 示威時就辱罵警察，有事時就搵警察，或許警察當中也有支持佔中的一員，不過人在其位，必須對自己負責，亦要為家庭生計負責，這些就叫做現實嗎?

  9) 示威的人又是誰受權你可以阻礙他人的日常生活來換取你心中的理想 ?

10) 學聯 / 學民思潮的所謂代表又是誰給予你們可以代表香港學生或香港人，你們都是小圈子以及在框架之內選出來的，難度你們是香港一人一票選出來的嗎?

  

每個人都可以自由選擇或發表意見，以上的只是我小部份疑問，只希望大家用心思考而不是爭論，這星期在社交網站上看見無數佔中與反佔中的立場意見發表，有些因為立場不同而UNFIREND了對方，其實大家應該持開放態度，包容及尊重不同人的不同意見聲音，朋友得來不易，親人更是血濃於水，大家都應該要好好珍惜。

每個人都有權追求理想，但必須要為自己的選擇付出代價和承擔後果。

第一站 : 香港金鐘

(1) 商廈是否已準許你張貼單張嗎 ?

鯉門看日落

2014年9月2日星期二天晴 (氣溫32度 - 偏南微風)，今日臨收工見個天色幾好，所以就即興同個同事走咗入鯉魚門影日落，順搭一個維港夜色。

(1) 好一個鯉躍龍門...........鯉魚門。

下馬看夕陽

2014年8月30日星期六天晴 (氣溫32度 - 東南風2級)，今星期三見個天又清又靚，心痕痕想走去影吓日落，點知星期四五就同我嚟個多雲有雨，所以一路順推到落今日，今次同 Sonia 試吓新地方，用另一個觀點去睇吓我哋嘅香港夕陽。

(1) 青馬大橋。

卡通人物四處走

2014年7月19日星期六天陰有雨 (熱帶氣旋威馬遜正移入中國西南部內陸並逐漸消散)，今日行程緊密，因為約咗一大班卡通朋友..............先出去尖沙咀碼頭睇史努比，跟住行過去THE ONE 探吓大口仔，再落去佐敦圓方拜會超級無敵掌門狗，尾站過海去太古城參觀飛機總動員嘅救火大行動。

(1) 夢不落........史諾比時光跑道。

熊貓佔鐘

2014年6月14日星期六天晴 (一號風球 - 海貝思)，今日首個一號熱帶氣旋警告信號生效，不過亦無阻全部以廢紙製成 1600 隻嘅紙熊貓大使閃現於尖沙咀鐘樓，由世界自然基金會及法國藝術家 Paulo Grangeon 合作的 1600 隻紙熊貓展覽，過去的日子曾到過法國、意大利、瑞士、台灣等近百個地方，宣揚環保以及呼籲大家關注生態保育的訊息，據了解，1600 隻紙熊貓除會在 PMQ 元創方外，還會在全港超過 10 個地標出沒，全長路線100公里 ，包括香港國際機場、天壇大佛、馬灣、沙田馬場、紅館、尖沙咀鐘樓、維多利亞公園、海洋公園！

(1) 熊貓嚟啦.............

人生如夢

2014年5月31日星期六 (氣溫33度)，早兩天在一本刊物上看見一篇關於生前死後的報導，忽然想起之前曾經聽過的一段...............<<<未曾生我我是誰，生我之後我是誰。 長大成人方知我，闔眼朦朧又是誰。 來時糊塗去時迷，空在人間走一回。 不如不來亦不去，亦無煩惱亦無悲。 足見做鬼亦怕生，但是做鬼為種子。>>>，決定今日去遊歷一處平時大家路經都唔會入去嘅地方................，用相機拍攝出另類探遊。

(1) 百年古墓。

日月星辰

2013年11月29日星期五 (氣溫12度 - 東至東北風4至5級)，昨晚已發出今年入冬以來首個寒冷天氣警報，不過今日凌晨時份卻係世紀大彗星 "光科網 / ISON" 嘅近日點，最難得就係雲雲雲咗成個星期嘅日子終於會變得明朗，於是我同兩個同事約好入去石澳搏一搏。

(1) 夜之中，喜愛倚星塵...............