鵝咗一日

2015年12月6日星期日天陰 (氣溫16度 - 東北風4級)，雖然昨天還是細雨濛濛，不過今天的天氣卻對比很大，乾燥的北風再加上厚厚的雲層，整個城市被昨天的那場雨清洗得一乾二淨，而且能見度亦未常好，不過就勁大風，心中暗想...........好在昨天不懼風雨，堅持風雨不改的心態，就算只得三個傻人，今天都一樣照向山上 (飛鵝山 - 603m) 進發，才能看得到這樣難得一見的清徹美景，一早吃過早餐，由慈雲山經觀音佛堂上獅子亭，再沿車路直上飛鵝山觀景亭，雖則飛鵝山之巔近在咫尺，但因時間有限，亦只能擦身而過，小休過後，再沿飛鵝山道直落彩雲村嘆個下午茶後散水。

(1) 今日易常輕鬆，差不多10:40am先食完早餐，

所以經過有麵食都唔想食。

圭得好開心

2015年11月29日星期日天晴 (氣溫24度 - 東北風4級) ，早在一個月前已計劃好今天的行程...........圭角山 - 585m，其實 "圭角山 / 掛角山" 又稱 "雞公嶺" ，由兩個山峰組成，包括海拔585米的主峰（又稱大掛），以及其西海拔374米的副峰（又稱為雞公山、小掛），山名由來是因為兩峰對峙，其形如角，"圭角山" 大部份屬於元朗區，唯東北麓則屬於北區。

(1) 一早由元朗鳳翔街坐703號小巴入 "逢吉鄉"。

廣州4日3夜食住行 Day 4 - Bye Bye 廣州龍貓

2015年11月24日星期二 (天晴 - 氣溫25度)，今日最後一天留在廣州，一早外賣咗個早餐返房嘆之後，就同依間龍貓旅館正式告別，我哋先去上下九路尋找一碗美食，之後的行程就是即興.............諗到去邊就去邊。

(1) 食足幾日就知有幾好食。

廣州4日3夜食住行 Day 3 - 洲圍行洲圍睇

2015年11月23日星期一 (天晴 - 氣溫25度)，今日一早去玩行生態公園......... "灜洲生態公園"，再行吓聲稱最具嶺南水鄉特色的古村.......... "小洲村"，不過............

(1) 好食就緊係食完再食啦 !

廣州4日3夜食住行 Day 2 - 蓮花山下上蓮花山

2015年11月22日星期日天晴 (氣溫24度 - 東北風3級)，經過昨天食唔停的節目後，今早一覺醒來，落街食個街坊早餐後，就坐地鐵再轉公巴落 "蓮花山 - 108m"，要為昨天的美食消消耗，更加要為今晚的美食預留quota。

(1) 早晨呀...........大學城嘅同學們。

廣州4日3夜食住行 Day 1 - 食在廣州打擾龍貓

2015年11月21日星期六天晴 (氣溫26度 - 東北風3級)，今朝一早起身坐頭班地鐵上深圳，再轉火車返廣州，一於放假懶理身邊事，實行吃喝玩樂在廣州。

(1) 一早7:00am未夠已經上到嚟深圳。

有虎大家知

2015年11月15日星期日 (天陰 - 氣溫24度)，今日本想由八鄉去大棠睇紅葉，不過由於最近天氣依然溫暖，相信睇到紅葉機會不大，所以途中決定改線玩 "白虎谷" 出 "南坑排" 。

(1) 由荃灣坐68M巴士到大欖隧道口落車，10:15am起步。

遲咗出閘

2015年11月13日星期五天陰有雨 (氣溫23度)，嚿年冇食.......... 今年就遲咗小小食，不過今年同以往唔同，今次參與另一公司的................大閘蟹聚會。

(1) 八年花雕。

雙鳳朝陽

2015年11月8日星期日立冬 (氣溫29度 - 東風3級) ，今日選走伯公坳 > 鳳凰山 > 副峰 > 羅漢塔 > 北天門 > 鳳凰山 > 昂坪，一早天氣並非理想，9:10am喺伯公坳起步時，鳳凰山仍被雲霧覆蓋，11:30am到達鳳頂時才開始有太陽，小休半小時後，我哋再次起步，今天的主菜才真真正正的送上.................而尾程的 "哨牙石" 與今天的日落更靚得令到大家無懼天黑了，還差點兒由昂坪開出的尾班車也趕不上。

(1) 早上8:55am已坐車上到嚟伯公坳。

一年一度一社慶

2015年11月1日星期日天晴 (氣溫22度 - 東北風5級)，今日行完南朗山再嘆埋個下午茶之後就坐車過嚟旺角，準備下一場節目，就係友晟行山隊嘅十八週年社慶聚餐。

(1) 今年入場費係........... $360。

南海小步隊

2015年11月1日星期日天晴 (氣溫22度 - 東北風5級)，今日襯天氣轉涼，舊雨新知十九人一齊登上南朗山 (284m)，南朗山又名海洋公園山，北靠班納山和金馬倫山，南望南中國海，西臨深灣、香港仔南避風塘、布廠灣及大樹灣，東至深水灣，大半個山頭被香港海洋公園盤據著，其中不少遊樂設施均在南朗山的南部山麓，不過南朗山的主山峰卻不在香港海洋公園範圍之內，因此我們仍然可以由西面山脊經樓梯路一小步小步登上南朗山，再經隱蔽路口由東面山脊下走海洋公園出黃竹坑。

(1) 早晨呀 ! 一早9:00am喺銅鑼灣與一眾好友食個早餐先。

恐龍世界

2015年10月31日星期六天晴 (氣溫26至30度 - 東北風3級)，今日係萬聖節，不過鬼怪我就見唔到，惡龍就週圍都係，新一間恐龍世界3D魔幻館又於今年10月17日進駐喺九龍灣Mega Box，每日10:00am至22:00pm，想將恐龍變成朋友就先要比............$60。

(1) 以恐龍為主題的.................3D魔幻館。

磨出花海來

2015年10月25日星期日天晴 (氣溫30度 - 東風3級)，昨天黃昏才立下決心定了今天的行程，上午輕輕鬆鬆入上水行山........大石磨(184m)，下午再應長江的提意過去錦田睇花海，因早兩星期已有新聞報導關於元朗錦田水尾村旁山腳嘅一個荒廢魚塘，近日就長滿咗成片嘅「鳳眼藍」或名「布袋蓮」，鳳眼藍的花期甚短，而上水古洞附近亦有紫色花海出現，不過聞訊經已凋謝，想要欣賞就要明年請早或襯花期前來水尾村啦...............

(1) 一早9:30am喺上水坐車入到嚟虎地坳道起步。

汕頭5天食住行 DAY 5 - 千金汕盡回港來

2015年10月21日星期三 (氣溫30度 - 東北風3級)，今日坐15:17pm高鐵經深圳返香港，所以沒有特別安排行程，只係想在酒店附近行吓睇吓，就作為此五日假期劃上一個輕鬆的句號。

(1) 清新的早餐。

汕頭5天食住行 DAY 4 - 古到日落

2015年10月20日星期二 (氣溫30度 - 東北風3級)，嚟咗汕頭已經第四日，今日我哋唔上山唔過海，就由汕頭舊城區開始追溯這個百年商埠的光輝時代...............

(1) 建於1934年的八角亭，名為中山紀念亭，俗稱小公園，
1969年文化大革命時期遭拆毀，1997年才於現址重建。

汕頭5天食住行 DAY 3 - 跨海入南澳

2015年10月19日星期一 (氣溫30度 - 東北風3級)，今日臨時加插了去南澳島，一早食個早餐，就坐車去新一城對面的龍湖村北站坐公車入南澳島，南澳岛位於廣東省和福建省交界的海域上，由37個大小島嶼所组成，陸地面積130.90平方公里（其中主島面積128.35平方公里），海域面積4600平方公里，現有7萭多常住人口，是廣東省唯一的海島縣。

(1) 公車161B路車可直入南澳。

汕頭5天食住行 DAY 2 - 塔山巨峰

2015年10月18日星期六 (氣溫30度 - 東北風3級)，今日一早起身喺酒店食個早餐後就出發去對岸的礐石景區內的塔山石景區，本來預留一天在此景區逗留，不過最終因塔山石景區的面積不大而只玩了半天，面其餘的幾個景區因因風景大至一樣，所以決定留待下次再行，臨時加插了 "巨峰禪寺" 的後山石景昨為今天下午的行程.......................

(1) 早晨呀................汕頭市。

汕頭5天食住行 DAY 1 - 想汕就汕

2015年10月17日星期六天晴 (氣溫30度 - 東北風3級)，繼七月潮州行之後，有人又話想去潮州之地...............汕頭，既然想去汕頭就決定去汕頭。

(1) 一早7:30am已經上到嚟深圳北站。

長牌老虎

2015年10月11日星期日天陰 (氣溫19度 - 北風5級)，今天算是入秋後最似秋天的一日，一早9:30am由大埔坐小巴入到嚟大尾篤，再由大壩正式起步，經 "老虎笏" 上 "長牌墩"，大休過後就沿路折返大尾篤。

(1) 灰灰的天，起步時只有小雨兩滴，一會兒只餘北風相伴。

彩虹巨浪

2015年10月4日星期日有雷暴 (氣溫27度 - 東南風7至8級)，大風大雨係因為受颱風 "彩虹" 的外圍雨帶影響，今早依舊掛著3號風球，雖則不宜行山，但我仍然選擇出去睇吓浪行吓街食吓嘢，最佳地點莫過於.............上午去石澳嘅大頭洲睇浪，下午再去赤住行街食嘢。

(1) 石澳。

 

國慶大南人

2015年10月1日星期四多雲 (西南風後轉東北風 - 氣溫31度)，今日係國慶節假期，一早9:00am由屯門坐B3X巴士經深圳灣口岸過關，再轉剩M409公車直到招商發展中心車站落車 (亦可於蛇口人民醫院落車)，準備踏上大南山，大南山位於蛇口，山高336米，對上一次登此山已是2008年，兩次都是北面登山口經車路登頂，再落樓梯由龜山別墅離開，今次吾打吾撞嚟到大南山嘅另一個登山口 "海關登山口"，終於有啲新鮮感了。

(1) 本來一行五人，一個冇帶回鄉證，結果餘下四人。

中秋節嚟丫

2015年9月27日星期日天晴 (氣溫31度 - 東北風)，今日是中秋節，特意安排了一個短小行程給大家出來走一轉，並預留充足時間可以給大家返屋企梳洗後與家人今晚做節，一行九男女的目標就係高121米的元朗丫髻山。

(1) 登上 "丫髻山" 的其中一個入入口........楊屋村。

奶杯仙人掌汁

2015年9月26日天晴 (氣溫31度 - 東北風)，今日陪咗幾位同事在山嶺上輕輕鬆鬆的走了一轉，雖則這條路線已走了多次，但每次都有不同的睇驗，而最重要就係途經的兩處好地方所帶嚟的味覺享受............農場鮮奶與有機仙人掌汁，依條路線就係 "甲龍古道" 落 "河背村"。

(1) 荃灣依間茶餐廳早一排翻新裝修，今日終於開返門
有得食，一於喺度食個豐富早餐先再會合其他同事。

輕鬆又太平

2015年9月20日星期日天晴 (氣溫31度 - 東南風3級)，昨晚開心的佬友聚會另到今日的我遲咗起身，雖則沒有預先為今天特別安排行程，但對腳始終都想係郁兩下，中午過後決定坐小巴上太平山，輕輕鬆鬆的由舊山頂道經動植物公園落金鐘。

(1) 太平山凌宵閣。

我要食九層海鮮塔

2015年9月17日星期四天晴，今晚終於可以品嚐一吓傳說中的 "九層塔海鮮蒸鍋"，第一次聽.........第一次見........第一次食..........結果..................我一定會再返嚟搵你。

(1) 位於大坑的......... "九重鮮"。

赤式浮潛

2015年9月13日星期日天晴 (氣溫30度 - 東北風4級)，今日跟社長出獨牛洲再去塔門食海鮮，尾站就係赤洲玩浮潛，不過今早轉吹東北風，而獨牛洲之碼頭亦因加裝了扶手梯，結果大船為免因大風浪於汨岸期間撞毀扶手挮而放棄登島，雖然未能一登獨牛洲，但赤洲的浮潛卻為今日的行程給了我一個喜出望外..............

(1) 今日全船154人..............熱鬧。

羊之金路

2015年9月6日星期六天晴 (氣溫34度 - 西南風3級)，踏入羊年已經過了一半有多，今日我哋選走香港島中部的一個約高439米山，峰，此山峰鄰近灣仔峽，登山之路崎嶇險要，而且山頂荒涼，遍布火成岩，而此山頭更是當年二次大戰的重要據點之一，依度就係..............金馬倫山。

(1) 香港早晨。

長雨輕鬆遊

2015年8月30日天多有雨 (西南風3級 - 氣溫28度)，天文台預報今日天氣惡劣兼有雷暴，嚇窒咗好幾位朋友不敢前來，不過凡事都有變數，雨雖下著但不大，反而空氣給雨水清洗過更覺清新，石頭就乾乾淨淨，半天輕鬆行再加長洲美食為今日行程劃上完美又開心的句號。

(1) 新鞋黨..........

落雨先嚟浮潛

2015年8月29日星期六 (雷暴 - 氣溫28度)，繼上星期六入海下浮潛因水漲兼太渾濁而乜都睇唔到，今日再約朋友一同入去西貢海下再浮多一次，可惜天不做美，中午臨出發時個天落雨落到好似倒水咁，不過由於今日下午3點半會大退，慣來風雨不改的我一於懶理咁多，入咗去先算，結果.............都叫有唔錯的收獲。

(1) 入到嚟己海下已經13:30pm，不過啲水已經退了很多。

小南山大購物

2015年8月23日星期日 (天晴 - 氣溫34度)，今日一早喺屯門食個早餐後，一行九人就坐B3X巴士經西部通道過深圳圳灣口岸入蛇口，幾經波折先分成3部的士嚟到小南山下的 "宋少帝陵"，正式開始今日的...........登山購物自由行。

(1) 后海灣的蠔田。

留住立體回憶

2015年8月18日星期二 (天晴 - 氣溫34度)，昨晚喺啲行山友個blog度睇到有個No pay 3D展，今日收工就第一時間去睇吓點樣.................留住立體回憶。

(1) 真係可以留住立體回憶。

滔滔雙潭

2015年8月16日天陰 (西南風3級 - 局部地區有雷暴)，經過早兩天的大雨洗禮，特別係昨天的紅雨，全港的山澗都應該補充了足夠的水量，但由於今天的天氣仍然不太穩定，所以選擇咗一條比較低風險的 "雙潭石澗" 爽吓，再經引水道行入赤柱食下午茶。

(1) 大潭水塘。

串燒三公園

2015年8月9日星期日天晴 (西南風3級 - 氣溫36度)，昨天剛剛過了一個半世紀已來最熱的立秋，今天又有另一新攪作，就是本年最熱的一日，真係熱到溶，但因有一新行友加入，我唯有放棄走澗玩水，選擇了.........輕鬆走一回，串遊香港三大郊野公園.................城門郊野公園 / 金山郊野公園 / 獅子山郊野公園，終極目標係3點3下午茶。

(1) 城門水塘。

無字雙碑

2015年8月2日星期日天晴 (氣溫33度 - 西南風3級)，兩座約高8米的巨型石屎柱分別屹立於大潭灣內一高一低，人稱無字碑，而當地村民就稱他做筆尖石，今日我就襯住個天熱熱哋得嚟又有啲風，加上仲要有藍天白雲，就輕輕鬆鬆的走訪依兩座............無字碑。

(1) 大潭坳起步就要開始行馬路。

又喺果度

2015年8月1日星期六天晴 (氣溫33度 - 西南風3級)，今天出果洲當一個閒人，全程職責只係留首最後，做回昔日的..............尾男，順道細心欣賞一下以往可能在果洲睇漏眼的景物，不過今日真係曬到冇朋友。

(1) 唔計我哋六位領隊，今日登陸果洲共有108位好漢。

雨後徒龍

2015年7月26日星期日天陰有雷雨 (西南風3至4級 - 氣溫27度)，落雨落足一星期，昨天才決定選走一處已有七八年未再踏足的路線..............龍脊，今早出門時還是雷雨處處，不過登山後天氣漸漸轉好，而且今次行程又增潻了一些有趣事，就是在起步初期巧遇一位美籍製片人 "Brad"，他們團隊利用兩個月時間走訪英國 / 新加坡等多個地方進人拍攝，而在最後一站 "日本東京" 的前一站就是我們的香港，Brad在網上搜刮了一些香港行山資料，利用今日的空閒時間親親大自然，而我們亦因為拍照而盡情展現了香港的好客之道。

(1) 今早就落著傾盤大雨，嚟到 "土地灣" 就絲絲細雨。

最強vs最強

2015年7月16日星期四 (天晴 - 氣溫33度)，今日我約咗一班喺1984年由宇宙嚟到地球嘅生物，佢哋係好定係壞，相信大家都已經心裡有數，而集齊七粒龍珠係未可以見到神龍，今晚我就要問清楚.............

(1) 龍珠...........最強vs最強。

鯉好斜呀

2015年7月12日天晴 (氣溫35度)，早兩日從香港後門靜悄悄走過的颱風 "蓮花" 並未為香港帶來狂風大雨，所以今天決定棄澗玩綑邊，目的地就係由鯉魚門綑去調景嶺，再度踏上...............大斜壁。

(1) 早晨呀 !

黃龍水戰

2015年7月5日天晴 (氣溫33度)，天氣炎熱唔想行山，但又想出去出身汗，諗到爆頭都諗唔到，最終決定再訪黃龍坑水上世界

(1) 唔食早餐又邊有氣有力玩水呀 !

七一回潮玩三日

2015年7月1日星期三天晴 (氣溫34度)，今日係七一回歸假期，不過我順手搭多兩日大假，陪Sonia坐高鐵返潮州行吓睇吓食吓，不過在所有嘢都係未知知數之前.............. 包括未買車票 / 未訂酒店 / 未知有乜好玩 / 未知有乜好食嘅情況，我兩就決定先拎起個背囊，邊行邊諗邊算，如果買到車票就去潮州，買唔到就到時買到邊處就去邊處。

( 1-7-2015 / Day 1 )

(1) 一早喺落馬洲過關食個早餐後，坐地鐵嚟到深圳北站。

搵鬼同你玩水

2015年6月28日天晴 (氣溫33度 - 西南風3級)，夏日炎炎，藍天白雲走山就曬到你暈，最好都係玩水，仲要係玩淡水，所以決定悠走一條必需要在雨後才好水的.......... "鬼怒坑"，此坑大潭不多，但雨後的流水卻是冰涼無比，前中段都比較平均，而精華則落在尾段的 "鬼怒坑瀑布"，離澗必須要攀登瀑布傍的崖壁，而此崖壁越高越斜，越斜就越險，總知就係一步都不能錯。

(1) 一早喺荃灣食個早餐，跟手坐小巴入到嚟青龍頭起步。

時光倒流荔園時

2015年6月27日星期六天晴 (氣溫33度 - 西南風3級)，闊別18年的荔園遊樂場再度重現，曾經為無數香港人留底個多多少少的開心美好回憶，今天又可以再一次...............想當年。

(1) 荔園...........留著你我他的回憶，歡迎你重出江湖。

監獄風雲

2015年6月21日星期日天晴 (東南風3級 - 氣溫34度)，今日搵新嘢踩線，起初入到赤柱都仲係一頭霧水，搵咗好耐先搵到落赤柱監獄海岸的路口，不過中午大休後，風雲變色，雷聲劃破晴空，我哋亦急急腳的回走去安全的地方，不過只差半分鐘............就可以力保不濕，今日雖然只係綑遊了一小段，不過有趣的石頭卻令我會再次探遊。

(1) 遠處正是今日的主菜。

黃金鴨蛋

2015年6月4星期日天晴 (氣溫33度 - 東南風3級)，今日跟隨社長出走印洲塘，行程緊密，先踏足鬼洲，再綑遊黃金海岸，中午前往吉澳食個海鮮午餐，跟住抖都冇得抖就快走高棚頂欣賞吉澳，再續遊鴨洲仔......鴨蛋.......鴨洲，今次真係趕鴨仔咁趕。

(1) 出發啦 !

輕鬆打格仔

2015年6月7日星期日 (天晴 - 氣溫33度)，今日膝傷初癒，就在鬧市中找個山頭走個轉熱吓身，目的就只係想出身汗，經過一晚的思量，終於搵到目的地................格仔山，雖則這個小小的山頭並不是什麼高山，但這處卻在上一世紀謀殺了一班機迷不知多少的菲林，至於今日的下半行程就到時邊行邊諗再邊搵。

(1) 食早餐啦喂................

貓頭鷹時間

2015年5月31日1星期日 (天晴 - 氣溫33度)，今日入咗錦田水尾村，去睇吓自己有冇緣同最近熱爆雀鳥攝影界嘅 "小小貓頭鷹 - 鵂鶹" 影返張私人珍藏，起初去到傳說中嘅錦田樹屋時，我哋仲向樹上左望望右望望，結果當然係乜都望唔到，不過正當以為落空時，剛巧遇到一位拍攝發燒友，一問之下...........佢詳細地指點我哋迷津，於是我哋馬上向住那棵大樹走過去，起初來到樹底時，我們還是看不到找不到，不過多口的我又與另一位師姐答傘，經她一點，我哋終於好辛苦的在樹頂的樹枝上發現了小小貓頭鷹。

(1) 一起步冇耐就見到蜥蝪仔爬牆。

夏海浮潛

2015年5月30日星期六 (天晴 - 氣溫33度)，今日因傷患在身不宜登山，剛好炎夏初至，唯有選擇跳海，早上起身入西貢食個中式中餐，跟住就坐小巴入海下灣玩浮潛睇珊瑚。

(1) 艇仔粥 / 及第粥 / 蝦米腸 (大)。

佛我住半山

2015年5月24日星期日 (天陰有雨 - 氣溫28度)，明天就係佛誕假期，計埋點都有有兩日假放吓，所以一早就約咗班朋友今日跟團北上東莞 "塘廈三正半山酒店"，一於匿埋喺酒店嘆返兩日，開開心心渡過依個短短假期。

( 24-5-2015 / Day 1 )

(1) 人山人海。

香港有嘢吃

2015年5月23日星期六狂風雷暴 (黃雨 / 紅雨 - 氣溫26度)，今日啲雨由朝落到晚，不過都唔影響我兩口子一齊出去行吓街睇吓嘢再搵吓好嘢食，一早9:00am就嚟到大坑準備今日的第一餐..............

(1) 日漸昔微的香港特色之一...............大排檔。

淋濕抱佛腳

2015年5月17日星期日 (天陰有雷暴 - 氣溫29度)，今日跟社長悠閒行，暢遊大三大名寺再加流浮山海鮮餐，話知你橫風橫雨淋到成身濕晒，一於風雨不改的輕輕鬆鬆嘆返個開心星期日。

(1) 一早喺旺角坐旅遊巴入到嚟輞井圍上登上渡頭嶺 - 龜山。