這個聖誕真伶仃 3曰2夜 - DAY 3 澳完 ByeBye

2014年12月27日星期六 (天陰有雨 - 氣溫174度)，今日係三日伶仃之行最後一天，辛苦晒 "哈妹" 今朝一早幫我哋買咗10:30am船返香洲，仲幫我哋喺香洲嘅 "萬山樓" 訂咗個廂房飲午茶，所以中國人的一句老話........... "出外靠朋友" 是真的，由於船票已買好，我哋食過早餐後仲有一個小時可以在島上四處走走，至於下半行程就照原定計畫過澳門氹仔行個小山崗 - 大潭山環山徑，再去嘆個正宗葡國菜來為今次聖誕之旅劃上一個完美的句號。

(1) 早晨呀..........伶仃島。

這個聖誕真伶仃 3曰2夜 - DAY 2 全走伶仃峰

2014年12月26日星期五 (天陰 - 氣溫14度)，今日雖然好大風，但終於都冇落雨啦，一早7:30am集合食個早餐，大家就準備登上伶仃峰，昨天乘船前來的時候，哈妹告知我.........新開的環山公路已於一個多月前正式啟用，我哋可以不用像去年一樣走回頭路，另一方面，由於王太的膝患未完全康復，所以我特意安排咗一部麵包車由寵物護送王太登山，喺山頂的石景公園入口會合大家，其餘11人就在勁風中開步上山..............

(1) 早上7:00am已經天光了，伶仃峰上依然被薄霧覆蓋著。

這個聖誕真伶仃 3曰2夜 - DAY 1 伶仃過聖誕

2014年12月25日星期四 (天陰 - 氣溫15度)，今日係四日聖誕節假期的第一日，早在三個月前已編排了今次三日兩夜外伶仃島 + 澳門的輕鬆遊，今次行程特別要多謝在外伶仃島的朋友 "哈妹" 幫我們安排來回伶仃島的船票與食宿，使到此次行程暢順得嚟又開心又放心，回想對上一次去伶仃島只不過是去年 <<2013年3月29日 : 珠仃復活4日3夜之行 - Day 1 過海搵仃>>，但因為此島的美食與無數奇石吸引著我們這班愛食愛玩的石痴山行者，所以今年聖誕節我哋真係又再嚟啦。

由於該島伶仃孤立，且在內伶仃島之外，故名外伶仃島，雖然這個小島並不大，面積只有4.32平方千米，而主峰伶仃峰的高度只有311.8 米，天朗氣清時可看見香港市中心，所以此島與香港是相當接近的，只不過在長洲以南對開6公里之外，不過合法前往的途徑卻是非常迂迥曲折，先要坐一個小時船前往珠海，再由珠海乘坐個半鐘船直達外伶仃島。

(1) 好彩平安夜有通宵地鐵，一早4:30am起床，5:15am出

門口坐地鐵出去中港碼頭吃早餐，三日行程由此開始啦。

麒麟老人

2014年12月21日星期日天晴 (清勁東北風 - 氣溫18度)，對上一次走麒麟山已經係 (2007年12月16日 : 麒麟爬樹 - 上回)，事隔七年，今次再重遊舊地，我依然選擇由麒麟西崖起步落古洞配水庫，喺古洞街市食個午飯再行過對面石仔嶺花園 - 安老院村參觀吓，輕輕鬆鬆的過一個星期日。

(1) 一早10:00am於上水小巴總站乘坐605號小巴入麒麟村。

今晚我是大澳人

2014年12月13日星期六 (氣溫11度 - 清勁東北風)，今日終於可以一嘗多年來的心願，感受一下大澳人的棚屋生活，做一晚............我是大澳人。

(1) 大澳水鄉情懷。

香港大冰雪

2014年12月12日星期五天陰 (氣溫15度 - 清勁北風)，今日放日假同Sonia 輕輕鬆鬆過返個凍冰冰嘅開心星期五，我哋專登坐車入嚟元朗大棠睇冰雕，因為依度就係只得零下12度嘅..........香港哈爾濱冰雪節，其實對上一次睇冰雕已經係早兩年過澳門睇的 (2012年8月25日 : 澳門有蝶冰食)，至於今次香港冰雪節嘅位置就比較偏僻，冰雕場館亦唔算大，大約只得對上一次澳門冰FUN世界場地的一半，唯一優勝就係場內溫度比較凍，不過好彩今次冰雪節有美食檔口配合，所以美食當前可以補返數，依個冰雪節一睇亦無妨。

(1) 第一屆香港哈爾濱冰雪節 - 1/10/14 至 4/1/15。

大東蓮花

2014年12月7日星期日天陰 (氣溫17度 - 東風4級)，今朝一早入咗東涌食早餐，再坐8:40am由東涌開往梅窩的巴士於伯公坳落車起步，沿途會經過大東山  蓮花山  婆髻山  東涌，今日人腳只有11人，應該可以輕輕鬆鬆的享受依條辛苦得嚟又唔係好辛苦嘅路線。

(1) 今日嘅起步點........伯公坳，數百級的樓梯為大家準備熱身。

飛來水泉澳

2014年11月30日星期日天陰 (東北風4級 - 氣溫22度)，本想今天遊走大嶼山獅象，但剛剛於上星期才入了大澳，所以決定今日以九龍山頭為主打，並以2009年5月3日的水泉秦石 為藍本，由於今日路程唔算長，所以我哋集合時間亦順推到9:45am先喺彩虹坐$54的士上飛鵝山頂起步，目的地係水泉澳嘅飛來石。

(1) 入冬冇耐，為何山頭有如早春初醒。

觀音落大澳

2014年11月23日星期日天晴 (氣溫24度- 東北風3級)，今日人腳唔多，起步時只有五個人，另有一位自行遊走至萬丈瀑營地才會合大家續走尾段，所以出發前決定臨時加長路程，我哋一早8:30am喺東涌食過早餐後，就坐巴士去到姜山道嘅深屈道口落車起步，首站登上高434m的觀音山 - 又名膝頭哥山，再經姜山  靈會山  萬丈布  牙鷹山  二澳  大澳，全長12公里。

(1) 早上9:20am落車起步啦。

被佔中的尾七

2014年11月15日星期六天晴 (氣溫18度)，今日已經係香港被佔領中環 (佔中) 運動的第四十九天，一個多月的佔領事件已影響香港多方面，社會亦已被嚴重撕裂分化，就連法庭頒發的禁制令亦被一班支持佔領人士奀曲得理直氣壯的不遵守是理所當然的，在他們口中的民主自由就是犧牲其他人的民主自由而換取，悍衛自己表達權的同時又不尊重其他人的表達權。一班自認受過高等教育的大學生在畢業典禮上大聲叫囂及高舉黃傘，他們有尊重當時的場合嗎 ? 這班粗製濫造，質素愈來愈低的大學生，真的不敢恭維。

在佔領運動 / 雨傘運動的事件上，我看到的所謂公民抗命，他們只是為擴大自己的勢力採用各種手段，霸佔路面，盡情的辱羞他人，捩橫折曲強詞奪理，破壞公物，強搶私人及政府財物，手法就有如山賊強盜一樣，因為..............只要你以公民抗命為理據，就可以想點就點，為所欲為，有法亦可不依亦可不從。

或許我心裡對佔領運動的手法有太多問題，太多不滿，但我亦只會選擇和平理性的方式去表達，去包容他們的不同聲音，因為我相信對立是解決不到問題的，真心希望今次佔領運動可以盡快和平地解決，社會亦得以安寧。

第一站 : 香港金鐘

(1) 清晨6:30am的金鐘佔領區域。

金魚擺尾

2014年11月9日星期日 (天陰 - 東北風3級 - 氣溫20度)，今日準備跟社長出隊登上位於西貢牛尾海的吊鐘洲，此島我已有七八年之久沒有踏足過了，其實賞遊吊鐘洲必須登上東面之山崖才可一睹其精髓.............金魚擺尾，而下半程更會於糧船灣午飯後再回航至大鏟洲，尋找...........超級菠蘿包。

(1) 一日之計在於晨............早的一餐。

腳踏老虎頭

2014年11月2日星期日 (天陰25度 - 北風4級)，踏入秋季，緊係登山好時機，今日我哋明知山有虎，偏向虎山行，目的地就係大嶼山嘅老虎頭 (465m)。

(1) 今日要食飽啲去打老虎。

大梅出刷

2014年10月25日星期六 (天晴 - 氣溫24至28度 - 東風4級)，原意今日跟社長北上一天輕鬆行，誰不知臨尾先嚟給我一個超5星行，一早在深圳集隊後就乘坐旅遊巴直往鹽田鎮，沿新建之沿海棧道直往大梅沙再過小梅沙，不過由於有部份路段已被颱風吹毀，大梅沙至小梅沙嘅棧道已經封閉，大隊亦只能登車直往楊梅坑轉乘快艇去下一站...........刷洲，刷洲位於大亞灣大辣甲島西南面的一個小島，船程15分鐘，一個小小的荒島，欲在尾段時把是日行程推至5星以上級別，一個小小海溝斷位，一幅斜度由70度接近90度的20米岩坡，一條風化到近乎冇手位嘅路線，亦另我第一次感覺到..............一步一驚心。

(1) 早晨呀...............我的祖國。

窰入西壩

2014年10月19日星期日 (氣溫25至29度)，由於今日有山友久休復出，所以臨時決定改線，以輕鬆郊遊為主，大家開開心心的親親大自然，目的地就係由西貢北潭涌的上窰經西壩轉一圈出北潭涌，對上一次嚟已經係 (2010年2月21日: 上窰新春行大運)。

 



(1) 喺西貢市嘆過一盅兩件後就坐94號巴士入到嚟北潭涌起步。

青大行軍

2014年10月12日星期日天晴 (氣溫30度 - 西北風3級)，今日行程簡單又直接，下白泥入青大石澗，於四疊潭轉行軍車路出走良景坳，終點定為屯門良景村，依條路線就像 (2009年12月6日: 青大逃忙行) 嘅翻版。

(1) 早上八點入到嚟元朗嘆個醒晨早餐。

被佔中的頭七

2014年10月4日星期六天晴 (氣溫30度)，今日已經係香港被佔領中環 (佔中) 運動的第七天，整星期所看到的聽到的佔中與反佔中資訊真係多到數不出，我需支持要有民主自由的同時亦反對暴力政治，一向對政治都不愛表態的我，真的有很多問題...............

  1) 爭取自由就可以凌駕法律之上嗎?

  2) 非法集會，坐在馬路已經屬違法，你還可以大聲地說懂得什麼叫黑白是非嗎?

  3) 舉高雙手就當自己是和平示威，就可以為所慾為，你們衝擊警方設置的界線還說他們防守是不對，那麼他人拆除你的路障時，為什麼你又會阻止呢?

  4) 你們設置路障的物資是你自己帶來的嗎?

  5) 阻街瞓馬路，你只對受影響的人說一句..........(為自由就要犧牲，真的對不起)，那麼被迫犧牲的人就沒有選擇的自由嗎?

  6) 人們設下框架就不可以，你設下框架才可以有商量餘地，這到底是民主或是獨裁 ?

  7) 七十萬人示威支持真普選而並不是佔中..........一百五十萬人反佔中的簽名，到底那些才是民意 ?

  8) 示威時就辱罵警察，有事時就搵警察，或許警察當中也有支持佔中的一員，不過人在其位，必須對自己負責，亦要為家庭生計負責，這些就叫做現實嗎?

  9) 示威的人又是誰受權你可以阻礙他人的日常生活來換取你心中的理想 ?

10) 學聯 / 學民思潮的所謂代表又是誰給予你們可以代表香港學生或香港人，你們都是小圈子以及在框架之內選出來的，難度你們是香港一人一票選出來的嗎?

  

每個人都可以自由選擇或發表意見，以上的只是我小部份疑問，只希望大家用心思考而不是爭論，這星期在社交網站上看見無數佔中與反佔中的立場意見發表，有些因為立場不同而UNFIREND了對方，其實大家應該持開放態度，包容及尊重不同人的不同意見聲音，朋友得來不易，親人更是血濃於水，大家都應該要好好珍惜。

每個人都有權追求理想，但必須要為自己的選擇付出代價和承擔後果。

第一站 : 香港金鐘

(1) 商廈是否已準許你張貼單張嗎 ?

十一國鐵

2014年10月1日星期日(氣溫32度 - 微風)，今日係中華人民共和國65週年國慶，我哋早在兩星期前決定北上行山歡度國慶，雖然香港已被佔中人士攪得神憎鬼厭，而家中亦有突發事件令我全晚未能安睡，但由於要帶領今日之行程，我亦只好帶著疲倦的身軀，硬著頭皮橕足全日，今次我哋嘅目的地...............鐵仔山 (204米)。

(1) 由羅湖坐一個鐘頭地鐵嚟到固戍。 

和平佔涌

2014年9月28日星期日(氣溫32度 - 微風2 級)，早在兩星期前相約了老師於今日為大家作嚮導，我哋嘅目的地就係西貢黃涌石澗 (源起黃牛山南部流蠔涌)，正所謂你有你佔中，我有我佔涌，我就真係可以和平佔涌 (黃涌石澗)啦，事關全日在澗道上除咗我哋都撞唔到一個人。

(1) 一早坐92號巴士到達蠔涌村村口起步。

圓石雙島遊

2014年9月21日多雲 (氣溫28度 - 北風3級)，今日跟社長遠征本港西南水域的索罟群島..........圓洲與灣口洲，但因風浪太大，玩咗圓洲之後就改去石洲，其實石洲亦係一處難以登岸之小島，因為此島外圍的暗礁太多，如等水漲才登岸就必須澗水上岸，所以今次都真係難得一遊。

(1) 最近人人都 post 依個香港新成員..........幸福摩天輪。

阿公再出海

2014年9月19日星期五天晴有煙霞 (氣溫33度 - 微風)，今日延續我哋公司嘅消暑第二炮，其實對上一次只不過係個幾月前 (8月1日 : 阿公要出海)，不過今次已經過咗暑假，西貢出海嘅人應該冇咁多，所以再一次多謝我哋嘅CEO安排全公司一齊罷工去遊船河。

(1) 放棄專車接送，目的就只係想早啲入西貢食個靚早餐。

壺穴群賞

2014年9月14日星期日天晴 (氣溫33度 - 東風2級)，就因為星期五的大雨，昨天才決定了今日的行程...................輕鬆遊走南涌屏嘉石澗，欣賞吓全港最大的壺穴群，亦期望依幾場雨會為這條山澗增加一定的流水量，等我哋可以玩吓水。

(1) 沙頭角海，遠望深圳之最..........梧桐山。 

那夜我坐上了塘福開往塘福的露營車

2014年9月12日星期五 (氣溫30度 - 多雲間中有雨)，早在兩個月前從網上得知香港有一處仿照外國渡假模式的地方出現了，所以就第一時間去安排星期五...............(因為只需請一日假就可以玩兩日兼租金又會平啲)，誰不知最快可以有位給我的竟是兩個月後的今日，等咗兩個月，今日終於可以唔洗坐飛機都可以住吓歐陸式的..............渡假露營車。

(1) 塘福巴士總站仿的樓梯一落去就見到依條碎磚路。

大頭火龍迎中秋

2014年9月7日星期日天晴，後轉密雲有雨 (氣溫32度 - 東北風4至5級)，一號戒備信號現正生效，今日係農曆八月十四迎月，我選取咗石澳輕鬆半天遊再拚大坑舞火龍作為今日嘅主菜同甜品。

(1) 幾十年情意結的石澳麵檔。

迂迴曲折遊青洲

2014年9月6日星期六天晴 (氣溫32度 - 東南微風)，今日跟社長返大陸玩島，一早8:30am喺深圳僑社集合出發，不過今次行程阻滯多多，最初想在壩光碼頭租船出海，誰不知整個地區因地產發展商收地而捲入貪污案，頓時變得荒涼，就連碼頭亦已停止運作，諗住入到嚟冇理由空手而回，社長決定入壩光村紅樹林欣賞吓數百年的銀葉樹保護區，點知又因社區辨擺工而不準進入，大家唯有掃興地返回旅遊巴，繼續餘下行程...................

(1) 魚旦刀削麵 + 凍檸茶，多謝$24人仔。

鯉門看日落

2014年9月2日星期二天晴 (氣溫32度 - 偏南微風)，今日臨收工見個天色幾好，所以就即興同個同事走咗入鯉魚門影日落，順搭一個維港夜色。

(1) 好一個鯉躍龍門...........鯉魚門。

下馬看夕陽

2014年8月30日星期六天晴 (氣溫32度 - 東南風2級)，今星期三見個天又清又靚，心痕痕想走去影吓日落，點知星期四五就同我嚟個多雲有雨，所以一路順推到落今日，今次同 Sonia 試吓新地方，用另一個觀點去睇吓我哋嘅香港夕陽。

(1) 青馬大橋。

輕鬆奶奶行

2014年8月24日星期日天晴 (氣溫32度 - 西南風2級)，今日輕鬆行唔辛苦，主菜係雷公田飲牛奶，同各方好友約好早上9:00am荃灣地鐵站集合，所以一早8:00am先喺荃灣食個靚早餐，其實今日所行的路線在去年3月已經走過一趟 (2013年3月17日 : 甲龍尋橋)，甲龍古道是古時八鄉石崗一帶務農人士往來荃灣市集必經之路，而今日穿梭往來的就多數是行山人士。

(1) 香港位置最高的荃錦公路郊野公園巴士站就

是甲龍古道入口，亦是今日行程的起步點。

今晚再3D

2014年8月22日星期五天晴 (氣溫28度至32度 - 西南風3級)，今早睇到報紙副刊內的一小編介紹兩位剛畢業的女大學生的創業故事，兩位小妮子參觀過韓國著名的3D藝術館Trick Eye Museum後，一心想張錯視藝術館的熱潮帶回香港，至今開業近三個月，如果唔係睇到報紙都唔知佢嘅存在，既然知道咗又點可以唔去影吓相呢，所以擇日不如撞日，決定今日收工就要Free啲 (3D)，依個場館坐落觀塘工業區的工業大廈內，佔地約3000平方呎，約有25幅3D圖畫，雖然地方唔算大，圖畫唔算多，不過勝在影相空間夠，而且會限制人流，開放時間由早上11:30am至晚上21:30pm，成人收費$89，小童/長者收費$50，每位限時2個鐘，超時就要每5分鐘比多$10。

(1) Free啲.......3D........放鬆啲，香港人..........放鬆啲啦 !

果度有嘢玩

2014年8月10日星期日天晴 (氣溫33度 - 西南風3至4級)，果洲群島位於香港東面水域，仲記得剛剛跟隨社長出海玩島的頭幾年，幾乎每年都會拜訪果洲四五次，不過近幾年已很小到訪，直至最近一次登島已經差不多是五年前的事了，雖然登島探遊多次，但仍有很多地方未曾留下腳印，今次以南果洲的遮流角為主線，再加插石河與天梯洞等等的天然奇景，既然果 (果洲) 度咁好玩，叫我又點可以唔出隊呢 ! 

(1) 藍天白雲，天上仲有一嚿......... 串燒雞。

青大方包

2014年8月10日星期日天晴 (氣溫33度- 西南風3級)，幾年夏天都未玩過咁多途，今日竟然跨越青山復地，由濕玩到乾，再由乾玩到濕，真係唔知係遊閒自得定係攞苦嚟辛，其實依條路線早在幾年前已經有機會一試，不過嗰次因為時間所限，所以我哋做咗逃兵，玩到四疊潭就開小差走頭 (2009年12月6日 : 青大逃忙行)，不過今次孤注一擲，一行15人由下白泥潛入青大石澗再上走入月牙谷，橫越青松紅壑落方包石，再由花朗古道出龍鼓灘散水，是日行程特別鳴謝 (舒家) 為大家做指南針。

(1) 一早8:30am已經食晒早餐，在玩朗準備出發。

悟入萬丈布

2014年8月3日星期日 (氣溫32度 - 西南風3級)，中國人有一句說話就係...........一落千丈，而我哋今日嘅行程比起依句說話更勁..............一落萬丈 (萬丈布 / 水澇漕石澗)，因為我哋會選擇由上而下玩水澇漕石澗，先由觀音寺對下的引水道 (即羌山郊遊徑) 起步經龍仔悟園出萬丈布入澗，再由山路或澗道落水澇漕出大澳。

(1) 一日之計在於............早餐。

阿公要出海

2014年8月1日星期五天晴 (氣溫32度 - 西南風2級)，今日全公司休息一天又有新攪作，目的只有一個，就係放鬆心情，全心全力玩返一天，叉叉電次後再努力工作，所以真係要多謝我的好好好CEO。

(1) 本來有專車接送，不過為食的我卻選擇自己坐小巴入，

目的就係可以提早入到西貢食個靚靚早餐。

我和珊瑚有個約會

2014年7月27日星期日天晴 (氣溫33度 - 西南風3級)，隨隊10年上山下海，重未試過在香港玩浮潛，今日終於可以一嘗在港境內欣賞土生土長的小珊瑚，是日行程輕鬆又簡單，先去新界東北印洲塘內的一個小島嶼 - 筆架洲，盡慶後就直往吉澳食海鮮餐，小休一會就續航往娥眉洲的一個小沙灘 - 娥眉灣暢泳浮潛。(溫馨提示 : 灣內潮石多，必須著鞋保護雙腳。)

(1) 醒神早餐。

黃龍水世界

2014年7月20日星期日天晴 (氣溫32度 - 偏西微風)，今日同班朋友入大嶼山黃龍石澗，不過行程就真係得半桶水，因為我哋目標只係去到黃龍瀑開餐兼玩水，跟住就原路折返出東涌。

(1) 出發啦............

卡通人物四處走

2014年7月19日星期六天陰有雨 (熱帶氣旋威馬遜正移入中國西南部內陸並逐漸消散)，今日行程緊密，因為約咗一大班卡通朋友..............先出去尖沙咀碼頭睇史努比，跟住行過去THE ONE 探吓大口仔，再落去佐敦圓方拜會超級無敵掌門狗，尾站過海去太古城參觀飛機總動員嘅救火大行動。

(1) 夢不落........史諾比時光跑道。

3D奇幻之旅

2014年7月12日星期六 (氣溫32度 - 天晴)，香港第一間3D立體館已經喺依個月7月7日正式開幕，所以今日一早就出去睇吓影吓，其實所謂3D就係一些三維視覺效果圖畫，一幅平面圖卻有立體的效果，場館坐落尖東佔地逾1萬平方呎，開放時間由早上10:00am至晚上22:00pm，大人收費$149，小童收費$100。

(1) 我要進入香港3D奇幻世界啦。

潭河容易

2014年7月6日星期日 (氣溫32度 - 西風2級)，最近依兩日嘅天氣都唔錯，風和日麗，所以昨天才決定短走大潭水塘內的雙潭石澗，一早9:30am在西灣河食個靚靚早餐，再行過對面坐14號車入大潭水塘起步 (落車記得嘟多一次八達通 - 即時回扣 $2.8)，由大潭道步行入澗口約需時廿分鐘，誰知今日流水量比預期中多，部份澗道更水漲如一條小河，結果本來兩個鐘的行程給我玩足六個鐘。

(1) 大潭水塘。

橫涌大游行

2014年7月1日星期日二 (氣溫30度 - 有雷暴)，今日係香港回歸假期，我哋早在上個月已安排定今日要參加.................大游行 (游水 + 行山) 嚟慶祝香港回歸，由於依兩日都落了一陣陣的雨，為山中石澗補充了一定的水量，而最估不到的就是今早的一場大雨..................橫涌石澗我嚟啦。

 (1) 指定動作............豐富早餐。

好膠好食

2014年6月29日星期日(氣溫34度 - 東南風2級)，話說早幾日喺飲食雜誌睇到一個私房菜嘅介紹，而佢哋嘅主要食材仲要係............花膠，所以決定打個電話訂返兩個位，今日同Sonia入去試吓依間大澳私房菜啲花膠有幾好食，當然順道週圍行吓睇吓食吓啦。

(1) 大澳之行就由依支雪到有冰嘅紫背天葵茶開始。

水淹雙城

2014年6月22日星期日(氣溫26度至29度 - 有雷雨)，落咗兩日雨，昨天才決心定下今日嘅行程..............雙城峽 / (又稱 "城門峽")，不過今早的一場大雨，反為我們今日的行程變得更加精彩。

(1) 豐富的早餐。

引你入赤柱

2014年6月15日星期日 (天陰有雨 - 氣溫28度 - 西北風 3至4級)，今日原本打算玩無字碑，最終因為有種種原因而臨時改線由大潭水塘經老虎山引水道落赤柱。

(1) 話知佢出面落緊雨，最緊要食個早餐叉叉電先。

熊貓佔鐘

2014年6月14日星期六天晴 (一號風球 - 海貝思)，今日首個一號熱帶氣旋警告信號生效，不過亦無阻全部以廢紙製成 1600 隻嘅紙熊貓大使閃現於尖沙咀鐘樓，由世界自然基金會及法國藝術家 Paulo Grangeon 合作的 1600 隻紙熊貓展覽，過去的日子曾到過法國、意大利、瑞士、台灣等近百個地方，宣揚環保以及呼籲大家關注生態保育的訊息，據了解，1600 隻紙熊貓除會在 PMQ 元創方外，還會在全港超過 10 個地標出沒，全長路線100公里 ，包括香港國際機場、天壇大佛、馬灣、沙田馬場、紅館、尖沙咀鐘樓、維多利亞公園、海洋公園！

(1) 熊貓嚟啦.............